 |
| courtesy of nesteabeach.storyteching.ph |
Nagsimula nang dumating ang mga matitinding koponan sa Villa de Oro at La Carmela de Boracay Resort Hotel sa isla ng Boracay nitong ika-27 ng Abril para sa 19th Nestea Beach Volleyball Tournament. May dalawamput-limang (25) na koponan ang kalahok sa kasalukuyang edisyon ng pinakamalaki at pinaka-prestiyosong collegiate beach volleyball tournament ng bansa.
Inaasahan ni Tournament Director Rustico Camangian na maraming sorpresa ang matutunghayan sa torneo. Magiging mahigpit ang labanan dahil kasali ang mga koponan na nag-kampeon sa NCAA, UAAP, CESAFI, Uni-Games at NCAA-South. Kabilang sa mga koponan na kasali ay ang UST, La Salle Bacolod, San Sebastian, Mindanao State University, Lyceum Batangas, Mapua, University of Negros Occidental Recoletos University of Perpetual Help Binan, Southwestern University, Holy Child of Davao College, Adamson, Lyceum of the Philippines, University of Baguio
at University of Mindanao., Ayon pa rin kay Camangian, ang lahat ay maghahangad na manalo hindi lang dahil sa cash prize na nakalaan sa mga kampeon kundi para na rin maangkin ang "bragging rights of being the best of the best".
Kabilang sa mga tagapagtaguyod ng 19th Nestea Beach Volleyball Tournament ang PLDT Alpha Enterprise, Boracay Foundation Incorporated, Mikasa at Smart Communications.
No comments:
Post a Comment